RoboCop 是1987年出品的美國電影，之後分別在1990年和1993年出了 RoboCop 2 和 RoboCop 3。
我第一次看 RoboCop（1987）是在小學時代，當時是在電視上播出。那年代電視節目根本沒有「家長指引」或「分級制度」。至今我腦海中還深刻記得兩個畫面：
Murphy 被一班匪徒連環槍擊，甚至一隻手臂都被打斷，最後被一槍爆頭殺死，之後就被 OCP 改造成 RoboCop。
2. 最後一幕，其中一個匪徒（由 Paul McCrane 飾演）喺一間廢棄工廠入面被熱水（或者係化學品，我唔太肯定）溶到成個人爛晒，之後仲被自己嘅同黨駕車撞死，成個身體撞到四分五裂，場面極之震撼。
對一個十歲的孩子來說，這實在是極具衝擊性的畫面。😵💫
那些血腥場景，例如爆頭、身體被腐蝕、再被撞得粉碎，根本並不適合兒童觀看——但也正因如此，印象特別深刻，至今仍歷歷在目。
《RoboCop 2》入面，ED-209 機械人嘅出場已經夠震撼，而最令人難忘嘅一幕，莫過於從販毒集團首腦 Cain（由 Tom Noonan 飾演）身上活生生地取出腦部同脊髓，再安裝入新一代機械人。對我嚟講，呢一幕一樣極具衝擊性。
當然，最令人著迷的，還有 RoboCop 專用的 Auto 9 半自動手槍，一直都是我最喜歡的武器之一。雖然現實中根本沒有這支真槍，它只是電影中由 Beretta M93R 改裝而成的道具，但那種未來感十足的設計、三連發射擊模式，射擊時火帽的火光，加上 RoboCop 每次帥氣拔槍的動作，實在令人難以忘懷。
這款遊戲於2023年推出，而我終於喺幾日前以 Steam® 8 折優惠入手咗😁，真係超值之選。
對我嚟講，不論係情懷、畫面、聲效定玩法，都完美重現咗《RoboCop》系列嘅經典元素，買得非常值得。
這是一款典型的第一身射擊（FPS）遊戲，玩家將以 RoboCop 的視角，在城市中巡邏、調查各種犯罪活動，並透過完成不同任務來推進劇情。
操作上雖然比起一般 FPS 遊戲略為緩慢，但正正還原了 RoboCop 那種沉穩、有壓迫感的機械步伐，代入感十足。
我已經玩咗幾個鐘，遊戲中有不少槍戰場面。雖然可以用預設嘅 Auto 9，但有時撿到敵人遺下嘅 UZI 或 AK 步槍，火力明顯更強，殺傷力更高。
電影入面，RoboCop 擁有自動鎖定系統，基本上百發百中；但喺遊戲裡，當然要靠我自己用滑鼠瞄準。可以理解啦——如果全部自動瞄準，咁玩 FPS 遊戲仲有咩意思？😎
不過最正嘅係，遊戲裡 Robo 嘅聲音、佢行路嘅機械聲、警車聲、6000 SUX、警局場景等等，完全重現咗電影嘅味道，瞬間勾起我對當年電影嘅回憶，真係情懷滿滿。
老實講，呢隻遊戲嘅畫面只係中規中矩，唔算出眾。雖然我仲未玩得好深入，但就算我係 RoboCop® 嘅粉絲，都未必會肯用原價 AUD $73.5 去買 😅。
如果你本身不是 RoboCop 的粉絲，但又想多了解這個系列，可以去看看 Robocop fandom page。他們把所有你想知道的資料都整理得非常詳盡，從電影劇情、角色介紹，到遊戲資訊和趣聞轶事，應有盡有。非常適合想深入了解 RoboCop 的朋友，值得一看！