十集既日式小品幽默喜劇
似乎係好出名既日本演員，不過我一個都唔識。劇集講述一個位於富士山既平凡小鎮，一間小旅館，一個有超能力既「外星人」，同埋一班同事既有趣故事。
頭2集其實都幾悶，好多無謂，講唔到重點既對白。不過睇多幾集就開始覺得幾好笑，最尾三集就更加係高潮，畫龍點睛講左點解套劇叫 Hot Spot (熱點）.
除左好多對白，演員既表情動作好吸引， 另外就係靚景。首先劇集主要取景就係富士山山梨縣吉田市同埋附近一間叫「Lake Hotel 淺之湖」既旅館。每集都好多富士山做背景既鏡頭。
「淺之湖」酒店，好多場景都發生係呢間旅館。旅館既大門就正正對位富士山。
另外好多場景都會睇到富士山，真係超靚。
去過三次東京,一次北海道，一次大阪，全部都係shopping 飲飲食食。無乜觀光睇風景。睇完呢套劇真係想去下。
另外，好多餐廳既戲份都係呢兩間餐廳， 「蒙布朗」 同「Jonathan’s」
蒙布朗係一間真既餐廳，位於吉田市
而呢間Jonathan’s就其實係位於東京三鷹市
呢個網頁就有詳細介紹劇集內既景點。
主角之一「外星人」高橋先生既神技，摺起一個硬幤，高速移動同驚人既彈跳力。
主要角色：
遠藤清美：市川實日子
高橋孝介：角田晃廣
奧田貴弘：田中直樹
日比野美波：平岩紙
中村葉月：鈴木杏
磯村由美：夏帆
岸本祐馬 ：池松壯亮
村上文男 / 村上博貴：小日向文世
