終於有機會睇到。
劇情已經好多好多人講過所以都唔再講。
全套戲既主意好簡單，就係好似黃子華講，在生既人都有好多地獄（煩惱，痛苦), 好似死人咁，都需要超渡。
不只死人要超度，生人都要破地獄㗎，生人都有好多地獄
什麼是「超度」？
所謂超度，一般認為不論人或動物往生後，能夠給予幫助的方式就是「超度」。又或是往生者可能有遺願未完成，或有心結、或有仇恨等等執念，而不願或無法離開人間；又或是因為經歷死亡前遭遇的痛苦而產生恐懼，使往生者迷失方向，如失憶的人一樣，渺渺茫茫不知該何去何從，因此需要超度，「超度」如同為他指引方向。（註）
所謂超度，乃是超生樂土而度脫苦趣的意思。（註）
片中各人既恩怨情仇，其實都係因為各人性格，尤其係閪佬文（許冠文飾演）對傳統（祖師爺）既執著，對仔女既態度（女人係污糟架），就好似佢既遺言講，唔識做一個老豆，一個唔會講“我愛你”既父親。令到一家人，仔，女，新抱，甚至子孫都受影響。
另一邊廂，道生（黃子華飾演）原來唔想要小朋友，因為週身債同埋自己年過五十等等原因。
以上種種既煩惱，痛苦，其實都需要有人去超渡（指引方向）；懂得放下, 釋懷，原諒（超生樂土而度脫苦趣）。
人生就好像一程車，重點不是上車的人可以陪你去到哪個站，而是你們一起欣賞過哪些風景。
我眼中既 「破。地獄」，可能就係：
要懂得溝通，你愛佢既就講出口，你唔中意既嘢唔好收埋收埋。
要懂得體諒別人，
要珍惜眼前人，
對憎恨既人要懂得釋懷。
